يش نحب رام الله..حيو رام الله

ليش بنحب رام الله
لانه في رام الله الواحد بيطلع من الكوفي شوب عشان يروح ع مطعم وبالعكس
لانه في رام الله ما بتحتاج لموعد مع اصحابك لانك كل يوم بتشوفهم
لانه في رام الله اول واحد بهنيك برمضان صاحبك النصراني
لانه في رام الله في عيد الميلاد اول واحد بيهنك صاحبك المسلم
لانه في رام الله الناس بتحب بعض بس ما بتدخل في بعض
لانه في رام الله البنات حلوات بدون عمليات تجميل
لانه في رام الله ممكن تنبسط وما تصرف الا شيكلين
لانه في رام اللهتفطر فلافل وتتغدى صيني وتتعشى بيتزا ايطالية
لانه في رام الله بتشوف الناس رايحة على شغلها الصبح وطالعة تسهر بالليل
لانه في رام الله بتكزدر في ركب وبتاكل في ركب واروع قعدة في ركب
لانه في رام الله اول ما تروح عند صاحبك بدخلك المطبخ وبيطعمك من اكل بيتهم
لانه في رام الله اول ما يدخل الجيش كل الشباب بتضربهم حجار واول ما يطلعوا بروحوا في المقاهي والمطاعم
اسباب اخرى ........
لانه في رام الله الكل متعود على سماع فيروز الصبح
لانه في رام الله بدفي قلبك بشيكل اذا شريت فستق محمص وسخن
لانه في رام الله بس رح تسمع الكلمات القروية بلهجة اجنبية (جف مي)تشرسي
لانو اسماء الاشارة برام الله فريدة من نوعها هيذا وميذا وهما
لانه في رام الله اي واحد بستنة بعض عند البنك العربي حتى الاجانب
لانو في رام الله اي واحد اتعرفت عليه على المسنجر بتلاقيه بكزدر بشارع ركب
لانو رام الله مدينة حزينة يوم الخميس بكونوا اهل الجنوب والشمال روحوا
لانو في رام الله رام الله القديمة (التحتة) لما تروحها بتحس بكرم اهل الجنوب وطيبتهم وتعايش المسلمين والمسيحين كاخوة
لانو هون ما بتعرف وين بتخلص رام الله وبتبلش البيرة
لانو برام الله وانت نازل بشارع المنتزه بتردلك الروح
لانو برام الله بتروحة على البلد القديمة والابنية القديمة بتذكرك بتاريخها
لانو فايروس الحب منتشر برام الله...... وكل الناس مزكمين
لانو برام الله الخضرجي بحبك تاكل كويس...عشان هيك ما ببيعك الا بالرطل
لانو اذا انقطعت من المصاري الا ما تلاقيلك صاحب يدفع اجار الطريق
واذا ما ليت اركب السرفيس وحيتقاتلو ثلاث ليدفعو عنك ههههه
وتقبلوا كل احترامي يا اخوان