اخاف الفراق .

أخاف الفراق
افكر بالفراق ايام وتراجع وانادي لك
يكفيني عذاب سنين والايام غداره
أخاف انك تفارقني رغم شوقي وحبي لك
اخاف انك تناساني وها لاحلام جواره
وموج الجرح في قربي أخاف أمواجه تشيلك
ولا اقدر انتظر ها لصبح لين تضوي أنواره
ولا القاك كيف القاك وين القاك واشكي لك
دخيلك خلني وياك قلي تنبت ازهاره
حبيب اللي اذا حبك يخلي الكون ويجي لك
يدوس الشوك لعيونك ولو به طال مشواره
ملكت اللي ملك كل الوفا بالسر يدعي لك
يبي قربك وعن قربك يقدم واهي اعذاره
خذته ظروف تلعب به سرت به عن قناديلك
كذب يوم ادعي الفرحه عجزلك يبدي اسراره
رغم جرحه واحزانه تبسم لك يغني لك
يخفف بابتساماتك ألم حزنه وأمراره
يردد لك (أحبه حيل )ويهدي وش اهدي لك
يجفف دمعة أيامه على باقي لظي ناره
أمانه ياوجود الحب شوف القلب يرمي لك
رماد الدم واللي طاح من بنيان أسواره
أبشكي لك غرامي لك وعن ما صار أحكي لك
ومد ايدك لي واحضن حطامي واسمع أخباره
بعد ما كان هو فرحك غدا يا انت يبكي لك
حبيبه تاهت دروبه وداره وانت له داره